અનુપમા

.

મુક્તપંચિકા: 01/09/2007

ક્ષણ ક્ષણને

કાળની કાણી

કટોરીમાં ભરતો

રહ્યો! માણવી

કાલે સવારે?

*  *  *  *  *

મુક્તપંચિકા: 25/08/2007

*   *   *

મમ્મી! કારમાં

આજે જઈએ

હાઈવે પાર, જોવું

છે મારે એક

પતંગિયાને !

*  *  *

.

મિત્રો! મારી નીચેની મુક્તપંચિકાઓ “સહિયારું સર્જન” પર પ્રગટ થઈ છે.

*   *   *   *   *   *

મુક્તપંચિકા: 18/08/2007 (1)

આપશો શબ્દો

તમે, વાચાળ

થઈ જાશે કલમ

અમ - આ હતી

કોને ખબર?

*  *  *  *  *   *   *  *

મુક્તપંચિકા: 18/08/2007 (2)

આયખું આખું

ઝબૂકી વીજ

સમ પળ એકમાં

વીતશે - હતી

કોને ખબર?

*  *   *   *   *   *

મુક્તપંચિકા: 31/07/2007

* * * * *

બારી ખોલી તો

ભૂરાશ જોઈ!

ગીચ બહુમાળીઓ

-વાયરો વચ્ચે!

આકાશ હશે?

* * * * * *

ભાઈ સાર્થ ને

બેનડી ઉંઝા!

આખરે તમે એક

કુટુંબ-બાળ!

ખમૈયા કરો!

*  *  *  *  *

* *

“કુમાર” માં પ્રસિદ્ધિ સાથે મુક્તપંચિકાની પ્રિન્ટ મીડિયામાં પા પા પગલી:

.

આપ સૌ મિત્રોએ “અનુપમા”ને હૂંફાળો પ્રતિસાદ આપ્યો છે.

આપે મુક્તપંચિકાને ઉલ્લાસભેર વધાવી “અનુપમા”ની ખ્યાતિ વિસ્તારી છે.

આપના સથવારે મુક્તપંચિકાએ હવે પ્રિન્ટ મીડિયામાં પા પા પગલી ભરી છે.

મારી મુક્તપંચિકા ગુજરાતી ભાષાના સુપ્રતિષ્ઠિત પારિવારિક સામયિક “કુમાર”ના મે 2007ના અંકમાં લઘુકાવ્ય તરીકે પ્રકાશિત થઈ છે.

નવોદિત સર્જક માટે પોતાની કૃતિ “કુમાર”માં સર્વ પ્રથમ પ્રકાશિત થાય તે ગૌરવરૂપ સિદ્ધિ જ ગણાય! મને અત્યંત આનંદ થાય છે કે મારી પ્રથમ કૃતિ “કુમાર”માં પ્રકાશિત થઈ છે.

ઈન્ટરનેટથી પ્રિન્ટ મીડિયા તરફ પ્રયાણ કરવામાં આપણા યુવાન મિત્ર ડો. વિવેક ટેઈલર સાથે હું પણ જોડાઉં છું.

આપ સૌ મિત્રોએ “અનુપમા”ને સ્નેહથી અપનાવીને મુક્તપંચિકાને પ્રતિષ્ઠા આપી છે. આપનો આભાર!

મુક્તપંચિકા “કુમાર”માં પ્રકાશિત થયાના સમાચાર આપ “મધુસંચય” પર વિગતે વાંચી શકશો.

* * *
Read MUKTAPANCHIKA: For full view of the page, CLICK below:

.

*  *  *  *  *  *  *  *  *  *

ખોજે તે પામે!

પામે તે ખોવે!

થાજો તે આત્મસાત્

મૂક અંતરે

પરમ સત્ય.

 *  *  *  *  *  *  *  *

મુક્તપંચિકા: 29/03/07 

* * * * * * * *  

સ્મિત-રૂદન

કરી શકું છું.

હૈયા-હિલોળે પ્રેમ

કરી શકું છું.

માણસ છું હું.

* * * * * * *

.

અમે ને તમે : મુક્તપંચિકા:

અમે ને તમે … ચાલો, વાંચીએ મુક્તપંચિકા મઝાની!

* * * * * * * * *

અમે વાદળ

આભ ઊડંતાં

ને તમે સરસર

સરતી, આંખ

આંજતી વીજ.

* * * * * * * * *

અમે સાગર

તીરે હળવે

ઊઠતી લ્હેર, તમે

મધદરિયે

ઝૂમંતાં મોજાં.

* * * * * * * * * * 

અમે મધુર

હસ્તનો સ્પર્શ

ને તમે કો’ કંપેલી

સિતાર જાણે

ઝણઝણતી.

* * * * * * * * * *

અમે કંપન

પામી, નાજુક

નાની વેલ, ને તમે

વાસંતી મદ-

ભર્યા વાયરા.

* * * * * * * * * * 

ઉપરની પ્રથમ બે મુક્તપંચિકાઓ મેં “સહિયારું સર્જન” પર  પ્રગટ કરેલી છે.   

 …………. * * * *  હરીશ   દવે  અમદાવાદ

.

મુક્તપંચિકા : પ્રિય મિત્ર સુરેશભાઈ જાનીના જન્મદિને (05/03/2007) 

* * * * * * * * * *

જીવન અહીં

આ પળભર

જાણી, હરખે માણે

ક્ષણને, જાની

સુરેશભાઈ. 

* * * * * * * * * * 

* * * * * * * * * *

મુક્તપંચિકા (2)

ચોસઠ તોયે

ચાર વર્ષના

દાદા બાળક નાના,

ક્ષણે ક્ષણનું

જીવન માણે

* * * * * * * * * *

* * * * * * * * * *

મુક્તપંચિકા (3)

અનંતયાત્રા

જીવન કેરી

ક્ષણમાં જાણી, માણી,

ઉચરે વાણી

સુરેશ જાની.

* * * * * * * * * *

* * * * * * * * * *

આ મુક્તપંચિકાઓ સાથે જન્મદિનની મુબારકબાદી, સુરેશભાઈ! ……  હરીશ દવે  … અમદાવાદ

. 

મુક્તપંચિકા : 04/03/2007 (હોળી) 

ફાગણનો મહિનો.

હોળી-ધૂળેટીનો રંગભર્યો તહેવાર …..

અને અનુપમા પર મુક્તપંચિકામાં રગછાંટણાં ન થાય તો કેમ ચાલે?

 * * * * * * * * * * * * *

મુક્તપંચિકા: હોળી (1)

મત્તછકેલું

રાતું જોબન

ફાગણ કેરા રંગે

રંગાતું જાતું

સાજન સંગે. 

* * * * * * * * * *

મુક્તપંચિકા: હોળી (2)

રંગરસીલી

કેસરકાયા

કેસૂડાની – ભીંજાતી

નમણી નારી

સમ- વિલસે. 

* * * * * * * * * *

મુક્તપંચિકા: હોળી (3)

નવપલ્લવ

કેસૂડા કેરી

શાખે ફાગણ છાંટે

ચિત્તાકર્ષક

રંગબહાર. 

* * * * * * * * * *

મુક્તપંચિકા: હોળી (4)

ફાગણભીના

કેસૂડાસમ

કેસરવર્ણી કાયા

ભીંજે સાજન

કેરી નજર્યું.

* * * * * * * * * * *

 આપ મારી રચેલી અન્ય મુક્તપંચિકાઓ ઊર્મિબહેન સંચાલિત “સહિયારું સર્જન” પર વાંચી શકશો. … હરીશ દવે  … અમદાવાદ 

.

પ્રેમ એટલે?

આ મઝાનો પ્રશ્ન ઊર્મિબહેનનો છે. તેમણે  “સહિયારું સર્જન” પર પ્રશ્ન પૂછ્યો છે. પ્રેમભીની બે મુક્તપંચિકાઓ મેં સહિયારું સર્જન પર મૂકી છે. 

“અનુપમા” પર આપ સમક્ષ પ્રેમમાં પલળેલી મુક્તપંચિકાઓ રજૂ કરું છું.

પ્રેમ એટલે (1) 

પ્રેમ એટલે

તમ હૈયામાં

ભૂસકો મારી, વ્હાલા!

છબછબિયાં-

ની મઝા, મઝા!

* * * * * * * * *

પ્રેમ એટલે (2) 

પ્રેમ એટલે

ખળખળતું

કો’ ઝરણું વહેતું

જીવન કેરા

સહરા મધ્યે. 

* * * * * * * * * 

પ્રેમ એટલે (3) 

પ્રેમ એટલે

ફૂલ મઝાનું

રંગબેરંગી, જાણે

ખીલતું સૂકી

જીવનડાળે. 

* * * * * * * * * 

પ્રેમ એટલે (4) 

પ્રેમ એટલે

શીતળ છાયા.

બળબળતા ભર

ગ્રીષ્મઋતુના

તડકા મધ્યે. 

* * * * * * * * * 

પ્રેમ એટલે (5) 

પ્રેમ એટલે

આંખ ઝુકાવી

સ્મિત સજાવી, ધીરે

ધીરે, પીગળે

કાય કુંવારી. 

* * * * * * * * *

………  હરીશ  દવે  અમદાવાદ

* 

કણકણમાં,

ઘટઘટમાં,

સચરાચરે વ્યાપ્ત

દીસે, ન દીઠે

પરમ તત્વ.

*  *  *  *  *  *

. 

અંત:તલથી

સ્નેહે સરતી

મુક્તપંચિકાથી જે

શોભે, આવો! આ

 છે અનુપમા!

* * * * *  

 .